Орто-халымаларга халлаан биир, икки да кыраадыс тымныйара баҕалаах буолла

Атын кэм эбитэ буоллар, саха дьоно кыһын кэлэрин улахан эрэйгэ тиксэр курдук саныа этилэр. Оттон Орто Халыма куорат олохтоохторо „тохсунньу тоһуттар томороон тымныытын“ күүппүттэрэ ый буолан эрэр. Ол эрээри бу күҥҥэ диэри бытархан тымныы түһэ илик.

Оттон кэтэһии төрүөтүнэн... үҥкүү буолар. Эрдэ биллэриллибитин курдук, аан дойдутааҕы Гиннесс рекордун кинигэтигэр киирэр иһин манна 40-тан тахса кыраадыс тымныыга аһаҕас халлаан анныгар маассабай үҥкүү тэриллиэхтээҕэ.

Бэлэмнэнии ыытыллыбыта ыраатта эрээри, халлааммыт туругуттан сылтаан, рекорка холонуубут болдьоҕо көһөрүллэн иһэр. Күн бэҕэһээҥҥи диэри дискотеканы бу бээтинсэҕэыытыахпыт диэн былаанныы сылдьыбыттара. Ол эрээри, олохтоох метеостанция көрдөрүүтүнэн, бүгүн, тохсунньу 22 күнүгэр,тымныыбыт 39 кыраадыска диэри тиийэн турар, сарсын халлааммыт өссө сылыйыа диэн сабаҕалыыллар.