Сыл аайы буоларын курдук, радионы истээччилэр “Сыл бастыҥ ырыаһыта” аакка эр дьонтон уонна дьахталлартан бастыҥнары талыахтара. Ону таһынан “Сыл бастыҥ ырыата” (“Хит года”), “Сыл арыйыыта” (“Открытие года”), “Саҥа толоруу” (Новое исполнение (перепевка) ааттарга кимнээх истээччи биһирэбилин ылбыттарын быһаарыахтара. Дьокуускай куорат дьаһалтата быйыл Улуу Кыайыыга аналлаах ааты эбии киллэрдэ. Олунньу 1 күнүгэр диэри сөбүлүүр ырыаһыппытыгар куоластыахпытын сөп.

2014 сыл устата хайа ырыаһыты дьон ордук сөбүлээн истибитэ олунньуга биллиэҕэ. Олунньу 27 күнүгэр Суорун Омоллоон аатынан Опера уонна балет театрыгар кыайыылаахтар дьоро киэһэлэрин түһүлгэтэ тэриллэр. Билиэттэри театр кассатыттан уонна “Виктория” реклама агентствотыттан атыылаһыахха сөп.

Быстыҥ ырыаһыты быһаарар куоластааһын саҕаламмыта аҕыйах хонно эрээри, куоластааһын олус көхтөөх.