Дмитрий Ливанов салайааччылаах делегация бүгүн Сордоҥнооххо үлэлиир. Олохтоохтор киниэхэ норуот үгэс буолбут дьарыгын билиһиннэриэхтэрэ. Күнүстэн киэһэ делегация Өймөкөөн улууһун киинигэр - Уус-Ньараҕа тиийиэҕэ. Дмитрий Ливанов манна олунньу 3 күнүгэр диэри сылдьыаҕа. Оҕо садтарын, гимназияны, оҕо дьиэтин үлэлэрин кытта билсиэҕэ.

Дьокуускайга киниэхэ «Хотугу сулустар» оҕону сайыннарар киини, культура уонна искусство Арктикатааҕы институтун, “Өлүөнэ кыраайа” физико-математическай форуму, о.д.а. көрдөрүөхтэрэ.

Олунньу 3 күнүгэр Дмитрий Ливанов үөрэх уонна наука сайдыыларыгар анаммыт мунньаҕы  ыытыаҕа. Ол кэнниттэн ХИФУ медицинскэй клиникатыгар, о.д.а. тэрилтэлэргэ сылдьыаҕа.

РФ үөрэҕин, наукатын миниистирэ салайар делегация састаабыгар кини сүбэһитэ Игорь Русаков, көмөлөһөөччүтэ  Индира Невмянова, наука уонна технология департаменын дириэктэрэ Сергей Салихов, информационнай политика департаменын дириэктэрэ Анна Усачёва, ыччаты иитии государственнай политикатын департаменын дириэктэрэ Александр Страдзе бааллар.