ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
4 декабря 2013, 14:11

Опера уонна балет театра Владивостокка хас да балетнай спектакллары көрдөрүөҕэ


Ахсынньыга Владивосток олохтоохторо хас да бэртээхэй толору кээмэйдээх балет спектаклларын көрүөхтэрэ - «Жизель» уонна «Кармен-сюита». Балет искусствотын кытта көрсүһүү үөрүүтүн куорат олохтоохторугар Саха Республикатын Д.К.Сивцев - Суорун Омоллоон аатынан опера уонна балет Государственнай театра бэлэхтиэҕэ.

Ахсынньы 13-15 күннэригэр, диэн кэпсиир театр директорын солбуйааччы Маргарита Васильева, Владивостокка Приморскайдааҕы краевой филармония сценатыгар театр балетнай труппатын гастроллара ыытыллыахтара. Приморьеҕа 45 балет артыыстара тиийиэхтэрэ, олор ортолоругар Саха сирин үтүөлээх артыыстара Надежда Корякина, Ренат Хон, элбэх аан дойдутааҕы конкурстар лауреаттара Сарыал Афанасьев (олох соторутааҕыта кини Японияҕа тиийэн, биир улахан балетнай труппаҕа «Щелкунчик» балекка биир сүрүн партияны үҥкүүлээбитэ). Итини таһынан, Владивостокка гала-концерка Россия народнай артыыската Альбина Кычкина-Борисова, биллиилээх саха тенордара, республика үтүөлээх артыыстара Николай Попов уонна Григорий Петров кыттыахтара, диэн суруйаллар приморскайдааҕы БИЭ.

– Биһиги Владивостокка толору спектакллары илдьэбит, – диир Маргарита Васильева, – декорациялардаах, көстүүмнэрдээх. Ахсынньы 13 күнүгэр көрөөччүлэр «Жизель», 14-кэ – «Шопениана» уонна «Кармен-сюита» көрүөхтэрэ, ахсынньы 15 күнүгэр опера уонна балет бастыҥ солистара кыттыылаах гала-концерт буолуоҕа. Хомойуох иһин, саала кыараҕас буолан, оркестр баппат, онон фонограмманан ыытарга күһэллэбит...

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 1637 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ