Олунньу 6 күнүгэр Мииринэйдээҕи уулуссаҕа олорор киһи уоран гааска холбоммутун араардылар.

«Маннык бэрэбиэркэни сыл устата тиһигин быспакка ыытыбат. Билигин Халтурина уонна Мииринэйдээҕи уулуссаларга 50-тан тахса аадырыска сырыттыбыт. Куорат гааһын ситимигэр сокуоннайа суох холбонуу хас да түбэлтэтин арыйдыбыт», - диэтэ «Сахатранснефтегаз» ААО инспектора Алексей Миронов.

Гаас ситимигэр көҥүлэ суох холбонуу содула улахан. Ол курдук, холбонууга техническэй нуорма уонна гаас хаһаайыстыбатын быраабылата тутуһуллубат. Ити түмүгэр киһи дьиэ кэргэнигэр, ыаллыы олорор дьонугар кутталы үөскэтэр.

Сокуоннай суох холбонууну «Сахатранснефтегаз» ААО салгыы бэрэбиэркэлиирин туһунан компания пресс-сулууспата иһитиннэрдэ.