Чурапчы оройуонун ис дьыалатын салаатыгар тохсунньу 6 күнүгэр государственнай булт инспекторыттан «Мычах» диэн сиргэ кулааһайы сокуоуннайа суох өлөрбүттэрин туһунан биллэрии киирбитэ.
Ити информацияны сылыктыы силиэстийэлиир-суһал бөлөх тиийбит. Онно силиэдэбэтэл уонна учаастактааҕы боломуочунай бааллара. Быһылаан буолбут сиригэр тиийэн, полицейскайдар биэс эр киһи баарын көрбүттэр, олортон түөртэрэ айылҕа харыстабылын специалистара буолан биэрбиттэр.
Эр дьоннортон сааларын былдьаатылар, ону таһынан кулааһай этин буллулар. Биллибитин курдук, бу кыылы бултуурга анал көҥүл наада, оттон бу дьон оннуктара суоҕа арылынна.
Сокуоннайа суох бултааһыҥҥа холуобунай дьыала тэрилиннэ.
Комментарии
Авторизация на сайте через социальные сети