Ааспыт нэдиэлэҕэ миниистири солбуйааччы Яков Сивцев  СР правительствотын кытта  Хаҥалас улууһугар сылдьыбыта. Бүгүҥҥү күнтэн миниистир солбуйааччыта Яков Заровняев Бүлүү улууһугар үлэлиир, кини салгыы олунньу 17- 21 күннэригэр Булунс  улууһугар аттаныаҕа.

Ону таһынан олунньу 17 -21 күннэригэр Верхоянскай оройуонугар отчуоттуу айылҕа харыстабылын миниистирин бастакы солбуйааччы Семен Яковлев тиийиэҕэ.

Олунньу 18-20 күннэригэр Аллараа Халыма улууһугар айылҕа харыстабылын миниистирэ  Владимир Григорьев үлэлиир бөлөххө киирсэн кэккэ нэһилиэктэргэ сылдьыаҕа.

Министерство бэрэстэбиитэллэрэ нэһилиэнньэни кытта көрсүһүү кэмигэр Правительство 2013 сыллааҕы үлэтин түмүктэрин сырдатыахтара РФ-гар Айылҕа харыстабылын Сылын ыытыы тэрээһиинэрин уонна ситиһиилэрин туһунан кэпсиэхтэрэ. Олохтоох нэһилиэнньэттэн киирбит этиилэр түмүк боротокуолларга  киллэриллиэхтэрэ, олор сыл устата толоруллуохтара, диэн  СР Айылҕатын харыстабылын  пресс-сулууспата иһитиннэрэр.