"Күрэхтэһиилэргэ Азия 45 дойдуларыттан спортсменнар кытталлар. 16 күн устата спорт 36 көрүҥэр күрэхтэһиэхтэрэ. Саха сирин бөҕөстөрө Айаал Лазарев, Иннокентий Иннокентьев уонна Николай Ноев күрэхтэһиигэ кытталлар. 2010 сыллахха тустуук Леонид Спиридонов бу күрэхтэһиилэргэ биириистээх миэтэни ылбыта", - диэтилэр министиэристибэҕэ.

Азиада чэрчитинэн Азия олимпийскай сэбиэтин XXXIII генеральнай ассамблеята ыытыллар. Манна Саха сириттэн государственнай сүбэһит Дмитрий Глушко, спорт миниистирэ Михаил Гуляев "Азия оҕолоро" норуоттар икки ардыларынааҕы оонньуу дириэксийэтин салайааччыта Владимир Максимов тиийдилэр.

Ассамблея кэмигэр Саха сириттэн тиийбит делегация национальнай олимпийскай кэмитиэттэр салайааччыларын кытта көрүстүлэр, 2016 ыытыллар "Азия оҕолоро" норуоттар икки ардыларынааҕы оонньууга ханнык государстволар кытталларын, о.д.а. туһунан ырыппыттара.  

Азия государстволарын национальнай олимпийскай кэмитиэттэрин кытта  бииргэ үлэлиир туһунан сөбүлэһиигэ илии баттыахтара.