Саха сирин делегациятыгар Уһук Илин уокурукка Саха сирин бастайааннай бэрэстэбиитэлэ Георгий Никонов, миниистири солбуйааччы Сталик Николаев, министиэристибэ сири оҥорууга департаменын салайааччыта Афанасий Семенов, министиэристибэ быраап отделын салайааччыта Николай Лаврентьев, «Анаабыр алмаастара» ААО государственнай уонна муниципальнай тэрилтэлэри кытта үлэҕэ генеральнай дириэктэри солбуйааччы  Владимир Черноградскай, Нерюнгритааҕы көтөр фабрикатын генеральнай дириэктэрэ Николай Давыдов, «СКИФ» компания генеральнай дириэктэрин бастакы солбуйааччы, «Сахазернопродукт» ААО генеральнай дириэктэрэ Илья Иванов, "Амма" ТХПК салайааччыта  Николай Шишигин уо.да. а.бааллар.

Саха сириттэн тиийбит бу делегация Амур уобалаһын тыа хаһаайыстыбатыгар миниистирэ  Сергей Вологдины кытта көрүстэ. Ону таһынан аһы соҕотуопкалыыр, сүөһүнү иитэр комплекстарга, тыа хаһаайыстыбатын тиэхиньикэтин, эбии аһылыгы оҥорор тэрилтэҕэ сырыттылар.

Благовещенскайга «АмурАгроЦентр» уонна «Благовещенскайдааҕы Агротехснаб» тэрилтэлэргэ сырыттылар.

Делегация салгыы «Сир-Агро» хаһаайыстыбаҕа сылдьыаҕа, онно Тамбов оройуонун баһылыгын, хаһаайыстыба актыыбын кытта көрсүөҕэ.

Тохсунньу 16 күнүгэр делегация Серышевскай, Ивановскай оройуоннарга баар «АгроМастер» «Агротехсервис», «Лиманное», «Кранспецбурмаш» тэрилтэлэр үлэлэрин-хамнастарын кытта билсиэҕэ.