Сылын аайы ыытыллар, үгэскэ кубулуйбут быйылгы фестиваль РФ-ҕа биллэриллибит культура сылыгар ананар. Идэтийбит музей олоҕор бэлиэ түгэни РФ культураҕа министиэристибэтэ тэрийэр. Манна биир идэлээхтэр уоппуттарын атастаһыахтара, кэпсэтиһиэхтэрэ, араас ыйытыктары илдьиритэн дьүүллэһиэхтэрэ.

Саха сирин национальнай художественнай музейын бырайыактара фестиваль куонкуруһун иккис түһүмэҕэр «Музейная среда – искусство создавать», «Музей – региональный центр притяжения» аакка киирдилэр. Бырайыактар ааптардара, НХМ виртуальнай филиалын салайааччыта Алексей Иванов: «Культура эйгэтигэр үрдүк таһымнаах тэрээһиҥҥэ кыттарбыт биһиэхэ улахан эппиэтинэһи үөскэтэр. Манна биһиги республикабыт культурнай, духуобунай баайын тилэри арыйан көрдөрүөхтээхпит», - диир.

Куонкурус иккис түһүмэҕэр бырайыактары сүрэхтиэхтэрэ, көрүөхтэрэ уонна кыайыылааҕы баһаарыахтара.

Быйылгы фестивальга Россия араас мунуктарыттан 200 музей кыттар, ол иһигэр Великобританияттан, Голландияттан, Венгрияттан, Францияттан, АХШ-тан, Израильтан, о.д.а. дойдулартан.