“Кэнники сылларга, медицинэ үрдүкү оскуолатыгар уонна доруобуйа харыстабылын эйгэтигэр үөрэтэр-педагогическай уонна научнай-чинчийэр үлэҕэ олус элбэх уларыйыылар буоллулар. Үлэҕэ ирдэбил үрдээтэ: БСҮөС сүрүн үөрэтэр бырагырааммаларынан үрдүк үөрэх кыһатын судаарыстыбаннай аккредитацията киирдэ, НЧҮ күрэҕинэн үбүлэнии, уопсайынан доруобуйа харыстабылын модернизацията буолла. Онон сибээстээн, биһиги ХИБҮ Медицинскэй үнстүүтүн клиническай базатын туһунан балаһыанньаҕа сорох уларыйыылары киллэрэргэ быһаарынныбыт”, - диэн научнай-чинчийэр үлэҕэ уонна доруобуйа харыстабылыгар ректор сүбэһитэ, ХИБҮ МҮ бырапыассара Вадим Кривошапкин иһитиннэрдэ.

Вадим Кривошапкин бэлиэтээбитинэн, хаапыдыра клинисческай үлэтигэр үрдүк ирдэбил олохтонуоҕа. Медицинскэй үнстүүт үлэһиттэрэ бары, үрдүк квалификациялаах быраактыкалыыр быраастар буолуохтаахтар. Хаапыдыра сылын ахсын, клиническай үлэтин туһунан балыыһа медицинскэй сэбиэтигэр оччуоттуохтаах.

Хамыыһыйа Саха сиригэр наадалаах исписийэлиистэри бэлэмнээһиҥҥэ,сүрүн идэтийбит медицинскэй көмөнү оҥорууга суол хаартатын бырайыагын оҥоруохтаах. “Сорох ыарахан ыарыынан ыалдьыбыт дьону биһиги тас дойдуларга эмтэтэ ыытабыт, ол төрүөтэ, олоххо наадалаах уорганы көһөрүү, сүрэх ириитимин хирургиянан чөлүгэр түһэрии онтон да атын эмптээһиннэр сайда иликтэрэ буолар”, - диэн бырапыассар Вадим Кривошапкин бэлиэтээтэ.

Арктическай медицинэ тоҕоостоох боппуруостарыгар, икки НЧҮ бырайыагын бырагырааммата оҥоһулла сылдьар. “ХИБҮ Медицинскэй үнстүүтэ аҕыйах ахсааннаах хотугу норуоттар доруобуйаларын туругун чинчийэр бырагыраамманы оҥорбуттара. ААХН демографияларын боппуруоһа сытыытык турар, ол иһин кинилэр доруобуйаларын коррекциялыырга араас тэрээһиннэр оҥоһуллубуттара. Хроническай инфекционнай гепатит туһунан бырагыраамма иккис бырайыага ХИБҮ доруобуйа НЧҮ киэнэ. Бу научнай сыһыаннары, үтүөрэн баран ыарыһах чөлүгэр түһүүтүн көрдөрөр, глобальнай бырагыраамма”,- диэн Вадим Кривошапкин кэпсээтэ.