Ил Түмэн пресс-сулууспатыттан СИА-ҕа иһитиннэрбиттэринэн, субу сотору, алтынньы 1-2 күннэригэр буолаары турар пленарнай мунньахха кини депутаат быһыытынан боломуочуйатын бигэргэтиэхтэрэ. Норуот депутата парламент үстэн элбэҕэ суох сис кэмитиэт чилиэнэ буолар эбээһинэстээх.

Семён Березин үрдүк медицинскэй үөрэхтээх, педиатр-хирург идэлээх. Сайсаардааҕы балыыһаҕа учаастактааҕы педиатырынан үлэтин саҕалаабыта. Биэс сыл устата оҕо өрөспүүбүлүкэтээҕи балыыһатыгар отоларинголог быраас быһыытынан үлэлээбитэ. «Аист» медицина фирматын салайбыта. Биэс сыл устата «Сахамедстрах» государственнай страховой компанияны салайар.

Семён Березин Ил Түмэҥҥэ үлэлээбит улахан уопуттаах. 2003-тэн 2005 сылга диэри Государственнай Мунньах (Ил Түмэн) доруобуйа харыстабылыгар, дьиэ кэргэн, оҕо, ыччат, физическэй культура уонна спорт кэмитиэтиэтин салайбыта. Төрдүс ыҥырыылаах Ил Түмэҥҥэ үлэлиир кэмигэр доруобуйа харыстабылын, социальнай харысхал, үлэ, дьарыктаах буолуу сис кэмитиэтин салайааччынан үлэлээбитэ. Билигин «Стерх» регионнааҕы государственнай страховой компания» салайааччыта.

Ил Түмэн доруобуйа харыстабылыгар, социальнай харалтаҕа, үлэҕэ уонна дьарыктаах буолууга сис кэмитиэтэ кини кандидатуратын бэйэтин састаабыгар киллэрэргэ уонна бэрэссэдээтэли солбуйааччынан таларга этиилээх.