„Сылаҥ нэһилиэгэ“ МТ дьаһалтата ГАЗ 3309 массыынаны биэрбитэ. Баһаарынай этэрээт үлэһиттэрэ Сылаҥ, Кытаанах, Арыылаах нэһилиэктэрин, Бэрэ, Түөйэ, Улахан Күөл учаастактарын оскуолаларынан, уһуйааннарынан, биирдиилээн ыалларынан баһаартан сэрэхтээх буолууга инструктажтары, практическай дьарыктары ыыталлар. Тэрилтэ салалтатын көҕүлээһининэн нэһилиэктэргэ уонна тэрилтэлэргэ баһаарынай дружиналар тэрилиннилэр.

2013 сылтан чаас начальнигынан Н.Г.Семенов ананар. 2014 сылтан личнэй састаап туруорсуутунан саҥа дьиэ тутуута саҕаламмыта. Үлэһиттэр тутуу матырыйаалын бэйэлэрэ бэлэмнээбиттэрэ. Сылаҥ нэһилиэгин баһылыга Е.А.Сивцев, Чурапчытааҕы 38 №-дээх баһаарынай этэрээт (начальник П.П.Макаров) үбүнэн көмө оҥорбуттара. СР баһаарынай сулууспатын начальнига И.И.Николаев бэйэтинэн ылсан көмөлөспүтэ.

Муус устар ыйтан тутуу саҕаламмыта уонна бу сыл олунньу ыйыгар, Аҕа дойдуну көмүскээччилэр күннэрин көрсө, үлэһиттэр саҥа хонтуора дьиэтин үөрүүлээх быһыыга-майгыга үлэҕэ киллэрдилэр. Тэрээһиҥҥэ тутууну ыытыыга кыттыыны ылбыт, көмөнү оҥорбут тэрилтэлэр салайааччылара ыҥырыллан сырыттылар.

Бу соҕуруу нэһилиэктэри баһаартан сэрэхтээх буолууга үөрэтэр, ыксаллаах быһыыга-майгыга дурда-хахха буолар аналлаах тэрилтэ билигин техникатын саҥардыыга үлэлэһэр. Коллектив эдэр, үлэҕэ-хамнаска киэҥ былааннаах. Ханнык да кэмҥэ көмүскэл буолар күүстээх аҥардарбытыгар кытаанах доруобуйаны, уйгулаах олоҕу баҕарабыт.