«Сахалыы» хос киллэһиги  AppStore 66 солк. хачайдаан ылыахха сөп. Маны таһынан босхо версията эмиэ баар.

«Мобильнай хос киллэһик барыллаан оскуолаҕа киириэн иннинээҕи саастаах оҕолорго ананар. Саха тылын үөрэтэр оскуола оҕолоругар уонна улахан дьоҥҥо эмиэ интэриэһинэй буолуоҕа. Хос киллэһик дьиэ кыыллара, дьиикэй кыыллар, көтөрдөр, балыктар, хамсыыр харамайдар, үүнээйилэр диэн алта категорияҕа араарыллыбыт. Кыыллар бары саҥараллар, алын өттүгэр ааттара сахалыы суруллар», - диир Злата Лотова.

Маны оҥорбут дьон этэллэринэн, хос киллэһик сотору-сотору саҥардыллыаҕа, байытыллыаҕа. GooglePlay бу таһаарыыта үрдүктүк сыаналанна.  50-тан тахсата дьон туһаммыта биллэр. Толкуйдааччылар манан эрэ муҥурдамматтар, сахалыы тылынан оонньуу оҥоһулла сылдьарын туһунан этэллэр.