Бу үп доруобуйа харыстабылыгар, ОДьУоКХ уонна предпринимательство сайдыытыгар туһаныллыаҕа. Ити туһунан бырабыыталыстыба бэрэссэдээтэлэ Галина Данчикова муниципальнай тэриллиилэр баһылыктарын мунньаҕар эттэ.

Галина Данчикова эппитинэн, үбү предпринимательство, доруобуйа харыстабылын уонна ОДьУоКх министиэристибэлэригэр үллэриэхтэрэ.  

61,2 мөл.солк. эми атыылаһарга анаан Доруобуйа харыстабылын министиэристибэтигэр бэриллиэҕэ.

81,2 мөл.солк. предпринимательствоны сайыннарыы фондатын чэрчитинэн дьоҕус, орто предпринимательствоны өйөөһүҥҥэ анаан бу салааны сүрүннүүр министиэристибэҕэ бэриллиэҕэ.

Хаалбыт 20 мөл.солк. Аллараа Халымаҕа, Өлөөҥҥө уонна Эдьигээҥҥэ уулуссалары сырдатыыга туһуланан, ОДьУоКХ министиэристибэтигэр ыытыллар.

 «Саха сирэ 20 бастыҥ регион ахсааныгар киирбитигэр бырабыыталыстыба эрэ буолбакка, муниципальнай тэриллиилэр баһылыктарын өҥөтө кырата суох. Грант харчыта бүтүннүүтэ муниципалитеттарга ыытыллыаҕа. Мин саныахпар, ити сөптөөх быһаарыы», - диэтэ премьер.