Ахсынньы 2 күнүгэр Дьокуускайдааҕы епархияҕа Саха сиринээҕи уонна Өлүөнэтээҕи епископ Роман, Дьокуускайдааҕы духовнай семинария үөрэнээччилэрэ уонна киин куорат общественноһа пьеса автора Владимир Федоровы, культура уонна духуобунай сайдыы миниистирэ Андрей Борисовы, НГАДТ директора Александр Лобановы уонна артыыстар Илья Данилевскайы, Марина Слепневаны, Владислав Мичуринын, Степан Федоренконы, Евгений Кропотовы, Дмитрий Трофимовы уонна да атыттары кытта көрсүһүүлэрэ буолла. Владыка хараҕы сымнатар тэрээһиҥҥэ сылдьан, улуу пост быраабылатын кэспититтэн олох кэмсиммэтэ. Спектакль кинини дириҥ духуобунай уонна үрдүк сиэр-майгы ис хоһоонунан улаханнык долгутта.

Мустубут театраллары кытта скайпынан өр кэм устата Нью-Йорка олорор композитор Виктор Климин кэпсэттэ. Көрсүһүү кэмигэр үтүө сонуну иһиттибит: «КАРО продакшн» киинэхампаанньа «Созвездие Марии» пьесанан киинэ уһулууга быраабы атыыласпыт. Хампаанньа генеральнай директора Юрий Обухов суруйааччы уонна драматург Владимир Федоровтыын эрэ буолбакка, спектакль музыкатын авторын Виктор Климинныын дуогабарга илии баттаспыт.