Boeing 777 салгын суудуната түһүүтүгэр самолекка тута «Якутск» аэропорт медпууунун уонна Дьокуускай "Суһал көмөтүн" биригээдэлэрэ тиийдилэр.

Оҕолоноору гыммыт дьахтары салгын суудунатыттан ыарыһахтары тиэйэр амбулифт диэн ааттанар анал техниканан илтилэр. Эмчит чинчийэн көрүүтүн кэнниттэн дьахтары чугастааҕы роддомҥа илдьэргэ быһаардылар.

Күһэлэҥинэн түспүт самолет Дьокуускай - Москва хайысханан, бензин куттан баран, салгыы айаннаата.

«Якутск» аэропорт пресс-сулууспата төрүүр дьахтар эрин кытта кэпсэппит. Биллибитинэн, бу олох эдэр ыаллар эбиттэр, ийэ буолуохтаах дьахтар 20 эрэ саастаах, кини бу маҥнайгы оҕото. Эдэр дьахтар 40 нэдиэлэлээх хат, УЗИ көрдөрбүтүнэн, уолу күүтэр. Дьикти түгэннэр түмсүүлэринэн, эдэр ыал маҥнайгы оҕолорун төрөөбүт дойдутунан Саха Республикатын киин куората Дьокуускай буолуоҕа.

Эбэн эттэххэ, эдэр ыалы өйөөн, «Якутск» аэропорт төрүүр дьахтар эригэр бэйэтин «Лайнер» гостиницатыгар босхо олорууну тэрийэргэ бэлэм, диэн аэропорт пресс-сулууспата иһитиннэрэр.