35 саастаах TOYOTA FUN CARGO минивэн суоппара, Дьокуускайтан Покровскай хайысхатынан айаннаан иһэн, «Дьокуускай-Аллараа Бэстээх» аартык 61-с биэрэстэтигэр SHAXMAN SX3256D таһаҕас массыынатын ситээри, утары айан суолугар киирэн, TOYOTA MARK-2 массыынаны кытта сүүс-сүүскэ харсыспыт. Күүстээх охсууттан минивэн ситэн испит массыынатыгар баран түспүт.

СТБ түмүгэр 60 саастаах пассажирка ыарахан эчэйии ылан, балыыһаҕа киллэриллибит. Эмчиттэр төһө да быыһыы сатаабыттарын иһин, дьахтар тыына быстыбыт.

TOYOTA FUN CARGO 36 саастаах пассажира эмиэ ыараханнык эчэйэн, Хаҥалас оройуонун балыыһатыгар сытар.

Саахалламмыт массыыналар суоппардара туох да буолбатахтар.

Киһи өлүүлээх саахал буруйдаахтарыгар холуобунай дьыала тэриллиэҕэ, диэн СР ИДЬМ-та иһитиннэрэр.