ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
7 июля 2015, 09:37

Егор Борисов Нерюнгрига буолбут массыына саахалыгар анаммыт мунньаҕы ыытта


Нерюнгри оройуонугар массыына саахалыгар эмсэҕэлээбит дьон дьиэ кэргэнигэр көмөлөһөр, саахал туох төрүөттэн тахсыбытын быһаарарга анаммыт мунньаҕы өрөспүүбүлүкэ баһылыга Егор Борисов от ыйын 6 күнүгэр ыыта.

Санатар буоллахха, бу сыл от ыйын 3 күнүгэр Улак – Эльга суолга «Урал» вахтовай массыына 8-10 миэтэрэ үрдүктэн суол ханаабатыгар түспүтэ. 19 киһи эчэйбитэ, 4 киһи олоҕо быстыбыта.

Роструд управлениетын начальнигын солбуйааччы Олег Украинскай эппитинэн, саахалга түбэспит дьон иитимньилэрдээх буоллахтарына, 2 мөл.тахса солк. төлөнүөхтээх. Кини быһаарарынан, маннык түбэлтэ биир үксүн тырааныспар туруга мөлтөҕүттэн уонна үлэ режимин тутуспаттан тахсар.   Түбэлтэҕэ 8-тан тахса киһини тиэйиигэ лицензия суоҕа, суоппар үлэтин кэмин учуоттааһыҥҥа кэһииллии тахсыбыта биллэр. Бэрэбиэркэ көрдөрбүтүнэн, массына суоппара алтаттан ордук чаас уруулга олорбут. Ону таһынан быһылаан иннинэ суоппар аһара үлэлээбитэ бэлиэтэнэр. «Былааннамыт бэрэбиэркэлэр түмүктэрэ «Мечел» компания бөлөхтөрүгэр производственнай эчэйии көрдөрүүтэ үрдүгүн ыйар. Үлэһиттэр үлэ усулуобуйатын уонна хамнас тустарынан элбэхтэ үҥсэллэр», - диэтэ Олег Украинскай.

Доруобуйа харыстабыны миниистирэ Александр Горохов иһитиннэрбитинэн, массыынаҕа айаннаан иһэн, саахалга түбэһэн эчэйбит дьонтон үһэ Дьокуускайга диэри тиэрдиллибиттэр. Кинилэр ыарахан туруктаахтар, ол эрээри олохторугар куттал суох. 14 киһи Нерюнгритааҕы орйуоннааҕы балыыһаҕа эмтэнэллэр. Үс киһи - реанимацияҕа, икки –хирургияҕа, аҕыс киһи –  травматологияҕа. Өссө икки киһи таһыттан эмтэнэ сылдьаллар.

ГИБДД управлениетын начальнига Самсон Чупров технологическай суолларга барыларыгар кэриэтэ суол бэлиэтэ суоҕун эттэ.

Саха сирин баһылыга Егор Борисов бөдөҥ комапниялар производственнай куттал суох буолуутун хааччыйыыларын федеральнай киин таһымыгар хос туруулаһар наадалааҕын ыйда. «Компания салайааччылара үөскээбит быһыыны-майгыны уларыталларыгар модьуйуохтаахпыт. Эппиэтинэһэ суох сыһыан – көстөн турар чахчы», –диэтэ Егор Борисов уонна маныаха сыһыаннаах боппуруостары бырабыыталыстыба мунньахтарыгар ырытар наадатын ыйда. 

Производственнай куттал суох буолуутун хааччыйар уураах бырайыагын үлэ, социальнай сайдыы министиэристибэтэ бэлэмниэҕэ. Промышленность, тырааныспар уонна суол хаһаайыстыбатын министиэристибэлэрэ этиилэри киллэрэллэригэр сорудахтаата. Бырабыыталыстыыба бэрэссэдээтэлэ Галина Данчиковаҕа эмсэҕэлээбит дьон дьиэ кэргэнигэр эбии көмөнү оҥорор туһунан этилиннэ. Доруобуйа харыстабылын министиэристибэтэ Нерюнгрига быраастары ыытарыгар, эчэйбит дьону өрөспүүбүлүкэ тас өттүгэр эмтэтэ ыытарыгар эттэ. Силиэстийэлиир управление тыҥааһыннаах быһыыга-майгыга быыһыыр сулууспалар төһө бэлэмнээхтэрин бэрэбиэркэлииригэр сорудахтаата.

        

        

 

 

При частичном или полном использовании материалов гиперссылка на сайт ysia.ru обязательна.
Категория: Происшествия Просмотров: 424 Источник: ЯСИА Автор: Егор Борисов официальнай саайтыттан Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ