Саха киһитин сиэринэн биология учуутала, нэһилиэк сэбиэтин депутата С.В. Местников уот оттон, алгыстаах тылынан алҕаата. Кыһыл лиэнтэни быһар чиэскэ оскуола дириэкэтэрэ В.М. Владимиров, балаҕан тутуутугар үлэлэспит, оскуола төһүү үлэһитэ Г.В. Федоров уонна саха тылыгар туйгуннук үөрэнэр 10 кылаас үөрэнээччитэ Алена Местникова тигистилэр.

Бу балаҕан үлэтин хайысхатын туһунан оскуола дириэктэрэ Василий Михайлович маннык кэпсиир: “Манна ыытыллыахтаах үлэ сүрүн сыалынан-соругунан оҕону төрүт үгэскэ үөрэтии, төрүт култуураҕа уһуйуу, сахалыы тыл, литэрэтиирэ нөҥүө иитии буолар. IT технология нөҥүө, инникитин онлайн режиминэн тас дойдулары кытары сибээскэ тахсыахтаахпыт. ФГОС ирдэбилинэн хас биирдии үөрэнээччи бу балаҕан иһигэр олорон эрэ төрүт үгэстэрин үөрэтэн, этигэр-хааныгар иҥэринэр кыахтаныа диэн эрэнэбит. Балаҕаммытын уопсай субуотунньугунан үлэлээн туттубут, бэйэбит үлэһиттэрбит уонна төрөппүттэрбит күүстэринэн”.

Бахсы нэһилиэгин оскуолатыгар СР Үөрэҕин министиэристибэтиттэн 100 тыһыынча суумалаах робототехника комплегын бэлэхтиир туһунан бирикээһи, ону таһынан улуус дьаһалтатын аатыттан анал комьютернай оборудованиены ылары туоһулуур сертификатытуттарылынна, көмө сууманы уонна эҕэрдэ суругу шефтээх оскуола дириэктэрэ А.К Семенов бэлэх уунна. Нэһилиэк баһылыга И.Ф. Барашков дьаһалта аатыттан дьиэтээҕи кинотеатр кэмпилиэгин бэлэх туттарда.

Дьэ, ити курдук Ытык Бахсы оскуолатын коллективын үөрүүтэ өссө үрдээтэ, үлэлээбит сыралара үрдүктүк сыаналанна.