Кэлбит ыалдьыттар - үөрэхтээhин уонна спорт туйгуна С.С. Шамаев, тыа хаhаайыстыбатын туйгуна С.И. Сергеев, «Чолбондор» Культура киинин директора С.Б.Корякина уо. д.а. Эҕэрдэ тыл эттилэр уонна сэмэй бэлэхтэрин туттардылар.

Талааннаах педагог А.Е Болтунова кѳҕүлээһининэн уонна кыһамньытынан «Нэһилиэк историята», «Үѳрэҕирии», «Доруобуйа харыстабыла», «Тыа хаһаайыстыбата», «Спорт уонна туризм», «Арктика, эн дьонуҥ», «Тѳрѳѳбүт дойдум – Арктика», «Нэһилиэк культуратын историята» саалалардаах музей үлэтин саҕалаата. Биир улахан миэстэни 50-ча тыыл, үлэ ветераннарын ахтыылара ылаллар.

Булуҥ улууhун филиалын аҕыйах ахсааннаах норуоттар ассоциацияларын чилиэнэ, фотограф Р.К. Кулакова «Булунский район Живая Арктика» диэн ааттаах быыстапката музей биир саалатын киэргэттэ.

Анастасия Егоровна бу кэскиллээх үлэтигэр нэһилиэк олохтоохторо туора туран хаалбакка, күүс-кѳмѳ буолуохтара диэн эрэниллэр. Кини бу саҕалааһыныгар ѳйѳбүл буолбут дьонугар уонна ветераннар түмсүүлэригэр махталын тиэрдэр.

Үөрүүлээх тэрээһин Саха Республикатын үтүѳлээх артыыһа, биир дойдулаахпыт Екатерина Саввинова-Саина таһаарыытыгар «һээдьэнэн» түмүктэннэ.