Ася Габышева, улуус баһылыгын солбуйааччы Руслан Гаврильев, улуустааҕы музей салайааччыта Александра Бережнова виртуальнай музей аһыллыытын бэлиэтинэн аалай кыһыл лиэнтэни быстылар. Маны таһынан Руслан Святославович Ася Львовнаҕа „Орто Халыма куорат 375 сыла“ диэн үбүлүөйдээх бэлиэни туттарда.

Виртуальнай музей сэбиэдиссэйэ эппитинэн, Орто Халымаҕа аһыллыбыт музей 18-с филиалынан буолар.

Виртуальнай музейы сэргэ „Солнечные поводья Олонхо“ диэн быыстапка аһылынна.

Ыалдьыттар олохтоох музей үлэһиттэригэр семинар ыыттылар. Семинарга „Раритеты Якутии“ диэн бырайыагы дьүүллэстилэр. Ол курдук, 2018 сыллаахха Орто Халыма куорат үбүлүөйүн көрсө „Раритеты Якутии. Наследие Колымского улуса“ диэн каталог таһаарарга этии киллэрдилэр.

Бу кэннэ Национальнай Художественнай музей үлэһиттэрэ бырайыак чэрчитинэн Ойуһардаах бөһүөлэк музейын сэдэх экспонаттарын кытта билистилэр.