«Билиҥҥитэ дьыала тэриллэ илик. Тоҕо диэтэххэ, экспертиза түмүгэ сарсын эрэ тахсар», - диэн СИА-ҕа ИДьМ пресс-сулууспатын салайааччы Станислав Платонов эттэ.

Олунньу 7 күнүгэр «Гражданскай платформаттан»  өрөспүүбүлүкэ баһылыгар кандидатытынан тура сылдьыбыт Эрнст Березкин  «Тойота Ланд Крузер» массыынатынан Бүлүүгэ буолбут  спартакиадаттан соҕотох төннөн иһэн түүн үөһүн саҕана Аһыма уонна Бэрдьигэстээх икки ардыларыгар айан суолугар алдьанан турар «УАЗ» массыынаҕа анньыллыбыта. Ол кэмҥэ УАЗ массыына иннигэр 29 саастаах эр киһи троһу холбуу турбут. Массыына анньыллыытыттан киһи улаханнык эчэйбитэ, балыыһаҕа илдьэн истэхтэринэ тыына быстыбыта. Кини 6 уонна 7 саастаах оҕолоро тулаайах хаалбыттара.

.