Минскэй түһүлгэтэ UWW халандаарыгар «саастаах» күрэхтэһиинэн буолар. 1970 сылтан ыытыллар турнирга бастаан утаа ыарахан эрэ ыйааһыннаахтар тусталлара. 1994 сыллаахха «Гран-при» категория иҥэриллибитэ, оттон 2004 сыллаахтан дьахталлар кыттар буолбуттара.

Быйылгы түһүлгэҕэ 26 дойду кыттарын туһунан биллэрбит. Үгүстэр бастакы нүөмэрдэрин — Олимпийскай оонньуулар, аан дойду чемпионнарын - туһуннараллара күүтүллэр. Бу турнирга Саха сириттэн уон биир тустуук кыттар, ол иһигэр аан дойду икки төгүллээх чемпиона Виктор Лебедев.

Саха «белорустарыгар» Владислав Андреевка (57 кг) уонна Александр Контоевка (65 кг) «дьиэтээҕи» түһүлгэлэрэ сүрүн тургутуунан буолуо, манна хайдах тусталларыттан аны сайын Баку куоракка ыытыллар Европа оонньууларыгар кытталлара-кыттыбаттара быһаарыллыа.

Кинилэри сэргэ саха тустууну сэҥээрээччилэрэ 61 киилэҕэ диэри ыйааһын хапсыһыыларын түмүгүн тэһийбэккэ-тулуйбакка күүтүөхтэрэ оҥоробун. Буолумуна, быйылгы Александр Медведь турнирыгар бу ыйааһыҥҥа аан дойду икки төгүллээх чемпиона Виктор Лебедев, 2012 сыллааҕы Олимпиада үрүҥ көмүс призера, аан дойду былырыыҥҥы чемпиона Владимир Хинчегашвили (Грузия), аан дойду 2013 сыллааҕы чемпиона Бекхан Гойгереев уо. д. а. күүстээх бөҕөстөр күөн көрсөллөрө күүтүллэр.

Саха сирин сүүмэрдэммит хамаандатын барыллаан састааба

57 кг - Владислав Петров, Арыйаан Тютрин, Михаил Иванов, Владислав Андреев (Белоруссия)

61 кг - Виктор Лебедев, Василий Стручков

65 кг - Виктор Степанов, Александр Контоев (Белоруссия)

74 кг - Иннокентий Иннокентьев (Кыргызстан)

97 кг - Евгений Коломиец

125 кг - Айаал Лазарев (Кыргызстан)

Күрэхтэһии программата (Дьокуускай бириэмэтинэн)

Кулун тутар 6 күнэ (бээтинсэ)

Эр дьон— 57, 65, 74, 97 кг

Дьахталлар — 48, 55, 60, 69 кг

16:00 — 21:00 - Барыллаан хапсыһыылар

00:00 — 01:00 - Күүрэхтэһиини үөрүүлээхтик арыйыы

01.00—03:30 - Түмүк хапсыһыылар

Кулун тутар 7 күнэ (субуота)

Эр дьон — 61, 70, 86, 125 кг

Дьахталлар— 53, 58, 63, 75 кг

16:00 — 21:00 - Барыллаан хапсыһыылар

22:30 – 02:00 — Түмүк хапсыһыылар