Бүлүү өрүһүнэн сырыы муус туругуттан тутулуктаах

Муус устар 15 күнүттэн өрүһүнэн, үрэҕинэн кыһыҥҥы суолунан айан-сырыы бобулунна. Ол эрэн Үөһээ Бүлүүгэ Бүлүү өрүһүнэн сырыы болдьоҕун, муус туругуттан көрөн, уһатан биэрэргэ былаанныыллар.


Улууска анал хамыыһыйа тэрилиннэ, Бүлүү өрүскэ муус халыҥын күннэтэ кээмэйдииллэр. Ол курдук бүгүҥҥү, муус устар 15 күнүнээҕи бэрэбиэркэ түмүгүнэн, муус халыҥа 1.40 см арыый тахса, оттон сүүрүгүрдэр сиринэн 1.30 см. Бэҕэһээҥҥиттэн уларыйыы тахсыбатах.

Александр Долгунов, Үөһээ Бүлүүтээҕи ГИМС учаастагын салайааччы:
- Билигин Бүлүү өрүһүнэн ааһар федеральнай суолунан 25 тоннаҕа диэри уйуктаах массыыналар айанныыллара көҥүллэнэр. Суол бүгүҥҥүнэн сабыллар түгэнигэр, уҥуор туоруу сатыыр дьон олохторугар куттал суоһуон сөбүн хамыыһыйа бэлиэтиир.
Андрей Неустроев, улуус баһылыгын солбуйааччы:
- Хамыыһыйа үлэһиттэрэ хас күн аайы сарсыарда, киэһэ муус туругун бэрэбиэркэлиэхтэрэ. Оттон салгыы мууһунан айаны көҥүллүүрү-көҥүллээбэти сарсын видеоконференция быһаарыахпыт.