- Ааспыт сайын от үчүгэйдик үүммүтэ. Олохтоохтор сүргэлэрэ көтөҕүллэн
от үлэтин эрдэ саҕалаабыттара. Кыстыгы этэҥҥэ туоруурга 1200 тонна отубэлэмниэххэ наада этэ. Нэһилиэк олохтооҕо Иванов Дорофей Дорофеевич «Бастакы кэбиһиилээх от» улуустааҕы күрэскэиккис миэстэни ылан 6 тыһ. солкуобайынан наҕараадаламмыта. - Нэһилиэкк 135,2 тонна от оттоммутун кэннэ, от ыйын ортотун диэки , хас да сиргэ этиҥтэн баһаар туран, нэһилиэк дьоно бука бары уоту умуорууга тардыллыбыта. Кураан буолан, онно эбии тыалыран, ити оттоммут от барыта уокка былдьаммыта. Баһаар умуллубутун эрэ кэннэ, күһүн нэһилиэк дьоно 275 тонна оту оттообуттара.
- От аҕыйах буолан нэһилиэк кыайан сыл тахсыбат турукка киирбитэ. Олохтоох дьаһалта салалтата ону тутатына өйдөөн, мунньах оҥорон от атыылыыр тэрилтэлэри көрдөөн биллэрии таһаарбыта. Бастакынан Кэбээйи сэлиэнньэтиттэн “Ворошилов” бааһынай хаһаайыстыба (салайааччы Левина Аксинья Васильевна) кыһалҕаны өйдөөн, чэпчэки сыанаҕа 500 тонна оту биэрэрин биллэрбитэ. Ол оту «Томтор» ТХПК (салайааччы Кобякова Софья Николаевна) кытта дуогабардаһан буурҕаттан-тибииттэн иҥнибэккэ, түргэнник таһан биэрдилэр. Оппут сыанатын аҥарын Ил Түмэн депутаттара Ноговицын Александр Александрович, Михайлов Юрий Петрович төлөөбүттэрэ. Быйыл саас 25 т комбикорманы,160 кууруссаны кыһыҥҥы суолу баттаһа аҕалан нэһилиэнньэҕэ түҥэттибит.
- Ыам ыйын 25 күнүнээҕи туругунан 56 биэ, 52 ынах сүөһү төрөөтө. Бу былырыыҥҥы көрдөрүүттэн намыһах, ааспыт сайыҥҥы улахан баһаар дьайыыта буолара саарбаҕа суох. Үүтү тутуу ыай ыйын 10 күнүттэн саҕаламмыта. Быйылгы сылга нэһилиэк үрдүнэн барыта 119 тонна үүтү туттарар былааннаахпыт,
- Нэһилиэккэ билигин 4 чааһынай тэрилтэ, 2 бааһынай хаһаайыстыба үлэлииллэр. Нэһилиэк үлэтигэр көхтөөхтүк кытталлар.
- Ветеринарнай пуун (салайааччы Седельников Айыл Александрович) үлэһиттэрэ кэмиттэн кэмигэр сүөһүгэ вакцинация оҥороллор, ыалдьыбыт сүөһүнү эмтииллэр.
- Кыстыгы этэҥҥэ туораан, сүөһүбүтүн күөххэ үктэннэрдибит, онон Чагда олохтоохторо, нэһилиэк дьаһалтата кыһалҕалаах кэммитигэр көмөлөспүт өрөспүүбүлүкэ бары салайааччыларыгар, улууспут салалтатыгар уонна тыа хаһаайыстыбатын управлениетыгар, Кэбээйи сэлиэнньэтин дьонугар, буурҕаны-тибиини аахсыбакка оппутун таспыт суоппардарга, аймахтарбытыгар, табаарыстарбытыгар, доҕотторбутугар бука барыларыгар истиҥ махталбытын тиэрдэбит.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети