Ол курдук, билигин турар пааматынньык кэннигэр бетон истиэнэҕэ Кэбээйи оройуонуттан Аҕа дойду Улуу сэриитин сылларыгар кыргыһыы толоонугар өлбүт буойуннар ааттара суруллуоҕа. Пааматынньык билиҥҥи көрүҥүнэн хаалыаҕа, арай анал матырыйаалынан бүрүллүөҕэ.

Тендер хайы-үйэ ыытыллан, кыайыылааҕынан урбаанньыт Игорь Шишмарев ааттаммыта. Кини дуогабар быһыытынан Шахтер уонна бөһүөлэк күнүн көрсө, атырдьах ыйын 28 күнүгэр диэри пааматынньыгы тупсаран оҥорууну бүтэриэхтээх. Бу үлэҕэ үп бөһүөлэк дьаһалтатын бюджетыттан көрүллүбүт.

Саҥардыллыбыт пааматынньык биһиги бөһүөлэкпит биир бэлиэ миэстэтинэн буолуоҕа уонна улуус киинин көстүүтүн биллэ тупсарыаҕа.