Дьиҥнээх дааннайдары ылар туһуттан, республика ветеринарияҕа Департамена сиэмэх тардыытын биригээдэнэн-ыстааданан учуоттуурга быһаарынна, ити ыраах сиринэн табаһыттарга уонна сылгыһыттарга сылдьарга уустуктардаах. Оройуон охотоведтарын кытта холбоһон «Госохотохрана» ГКУ бултуур сирдэргэ төһө бөрө баарын ааҕаллар. Суһал дааннайдары ырытыы түмүгүнэн булт хаһаайыстыбатын Департамена куттал баар сирин эрдэттэн булар уонна сиэмэхтэр ахсааннарын хаарчахтыыр кыахтаныа.

Кэнники ыйга дьиэ табатын бөрө тардыытын кээмэйэ ааспыт сыл баччатааҕы кэминээҕэр аҕыйаабыта көстөр. Ол да буоллар, Эдьигээн, Кэбээйи, Томпо, Уус-Дьааҥы уонна Эбээн-Бытантай улуустарыгар ый устата 100-түү уонна онтон элбэх табаны тардыбыттара билиннэ.

Департамент специалистара Верхоянскай, Үөһээ Халыма, Бүлүү, Горнай, Орто Халыма уонна Нам оройуоннарыгар уонунан сылгыны тарпыттарыттан сэрэхэдьийэллэр. Республика Правительствотын булка уонна булт хаһаайыстыбатыгар Сэбиэтэ 2014 сыллаахха бөрөлөр буулааһыннарын утары охсуһуу тэрээһиннэрин былаанын кыһалҕалаах муниципальнай улуустар баһылыктарынан кытта ырытыаҕа.