Билигин кыыс Новосибирскайдааҕы экономика уонна салайыы государственнай университетыгар 3-с курска үөрэнэр (урукку нархоз) — прикладной информатика Институтун «бизнес-информатика» хайысхатын бүтэриэхтээх, диэн news.ngs.ru иһитиннэрэр.

Алиса Усольцева сааһа 20, үрдүгэ 173 см,  кээмэйдэрэ 85-61-91. Сыл аннараа өттүгэр Алиса  Новосибирскайдааҕы Экспокииҥҥэ ыытыллыбыт «Мисс Снежная Вселенная» конкурска 3-с миэстэни ылбыт.

Алиса Усольцева биир кэнники үлэтинэн— IT Magazine Италия сурунаалын таһыгар хаартыската уонна Guess бренд фотограба Винс Барэттаҕа (Vins Baratta) уһуллуута буолаллар. Алиса бэйэтэ этэринэн, кини айанныырын уонна араас дойдулар культураларын үөрэтэрин, ону таһынан  фитнеһынан дьарыктанарын уонна кинигэ ааҕарын, аан дойду киинэлэрин көрөрүн сөбүлүүр.

Эрдэ биллибитинэн, Новосибирскайтан уонна Новосибирскай уобаластан «Мисс Россия» финалыгар кулун тутар 1 күнүгэр моделлар Дарья Сидорова уонна Ксения Ипатова кыттыахтара.