«Ыам ыйын 7 күнүгэр бүтэһик кэнсиэрим Торонто куоракка буолар. Ыам ыйын 10 күнүгэр АХШ-ка барабын. Нью-Йорк куоракка ХНТ сылын аайы ыытыллар конференциятыгар оруобуна сөп түбэһэбин», - диэн кини суруйар. Кэлиҥҥи икки ыйга кини Канада Торонто куоратыгар сылдьар диэн эбэн этиэххэ сөп.

«Америкаҕа виза ыларга анкетаны толорууга Монреальга сырыттахпына, биир дойдулаахтарым көмөлөспүттэрэ. Итиниэхэ баара суоҕа чаас аҥаара бараммыта. Сорох докумуоннарбын Дьоккуускайтан кыайан ыыппатахтара. Ол докумуоннар куоппуйаларын да көрдөөбөтөхтөрө. Пааспар, анкета, тарбахтарым суола эрэ наада этилэр», - диэн кини суруйар.

 «Сиэтл куоракка Хотугу-арҕааҥҥы фольклор фестивалыгар ыҥырдылар. Фестивальга европейскай, хотугу Америка музыканнара бааллар»- диир Саина.