СИА-ҕа иһитиннэрбиттэринэн, Иркутскайдааҕы метеосулууспа сабаҕалааһынынан, муус устар 16 күнүгэр 20.00 чаас диэки өрүс мууһа аһыллыбыт. Билиҥҥи туругунан муус үөһээ өттө Иркутскай уобалас Подымахино сэлиэнньэтин аттыгар баар.

Онон, уонча хонугунан Саха сиригэр муус барыаҕа. Дьокуускайдааҕы гидрометеосулууспа үлэһитэ Галина Канаева этэринэн, Иркутскайтан Витимҥэ диэри 7 күн устатыгар муус устан тиийэр. Ити ханна да харыы тахсыбатаҕына.

Быйыл ичигэс күн-дьыл турбутунан Өлүөнэ өрүс мууһа 5-12 суукканан эрдэлээн аһыллыаҕа. Ленскэйгэ, Өлүөхүмэҕэ барыллаан муус устар 27 - ыам ыйын 9 күнүгэр, Дьокуускайга ыам ыйын 12-14 күннэригэр муус эстиэ диэн сабаҕалыыллар.