Онтон күнүс 16.48 чааска муус хамсааһына бэлиэтэнэр. Бу күн кыра-кыралаан, мууһун быһа-быһа хамныыр. Уу таһыма 466 см тэҥнэһэр. Критическэй таһым - 1200 см.

Ыам ыйын 31 күнүгэр сарсыарда 4.50 чаастан муус хамсааһына бэлиэтэнэр уонна кыралаан устан барар. Оттон күнүс 12 чааска муус хойуутук устар. Уу таһыма 763 см тиийэр. Күнүс 14 чааска Лобуйа анныгар тиийэн харыыр, онтон 17 чааска салгыы устар. Уу таһыма күнүс 16 чааска — 864 см, киэһэ 18 чааска — 879 см, салгыы 20 чааска — 935 см, киэһэ 22 чааска — 976 см тиийэр.

Бэс ыйын 1 күнэ үүнэр түүн уу таһыма 1028 см тиийэр. Оттон түүн 02 чааска 1054 см буолар. Бу уу муҥутаан үрдүү сылдьыбыт кэрдииһэ буолар. Онтон ыла уу таһыма намтаан барар.

Бэс ыйын 2 күнүнээҕи туругунан, сарсыарда 8 чааска уу таһыма 878 см тэҥ.

Оттон таас хайалартан түһэр Берёзовка өрүскэ ыам ыйын 30 күнүгэр киэһэ 20 чааска муус хамсааһына бэлиэтэнэр. Бэс ыйын 2 күнүнээҕи туругунан, сарсыарда 8 чааска уу таһыма 953 см тэҥнэспит (критическэй таһым манна 950 см).

Бэс ыйын 2 күнүгэр сарсыарда 8 чаастааҕы туругунан, Алаһыай өрүскэ муус турар.