«Өлүөхүмэ куоратыгар диэри — 307 км, Дьокуускайга диэри — 917 км. (Өрүс төрдүгэр диэри — 2555 км), муус турар», - диэтилэр кылаабынай управлениеҕа.
Муус үөһээҥҥи кирбиитэ Хампа сэлиэнньэ таһыгар баар. Муус аҕыйах. Суукка иһигэр муус 71 км. устубут. Уһуна — 183 км.
Саха сирин бары өрүстэригэр муус алдьанар.
Алдан үөһээ өттүгэр уу таһыма үрдээбитэ бэлиэтэнэр, Томмот таһыгар уу таһыма 268 см, кутталлааҕа - 820 см. Уу өрө тахсыытын 12 чаас иһигэр +22 см, муус ыам ыйын 4-8 күннэригэр аһыллыахтаах.
Аммаҕа Буяга гидропост таһыгар муус уу таһыма үрдэттэ. Ити 340 см, критическэйэ — 600. Суукка иһигэр уу өрө тахсыытын көрдрүүтэ +4 см, ыам ыйын 5 күнүгэр муус аһыллыаҕа.
Бүлүүгэ муус турар, Сунтаар сэл. таһыгар уу таһыма — 532 см, сууккаҕа + 12 см эбиллэр. Манна кутталлаах таһым - 300 см, Ньурбаҕа уу таһыма 420 см, тыҥааһыннаах быһыыны-майгыны 1250 см үөскэтэр. Суукка иһигэр уу өрө тахсыыта +33 см. Өрүс мууһа ыам ыйын 8 күнүгэр аһыллыаҕа.
Халымаҕа, Янаҕа, Индигиркэҕэ – муус турар. Манна муус ыам ыйын 20, 17 уонна 22 аһыллара күүтүллэр.
Муус устар 29 күнүнээҕи туругунан 09.00 чааска (Дьокуускай бириэмэтинэн) Саха сиригэр ууга былдьаммыт нэһилиэнньэлээх пуун суох.
Халааны эрдэттэн сэрэтэр үлэ тохтообот. 5 өрүскэ муус мөлтөтүллүөхтээх. (Өлүөнэҕэ, Халымаҕа, Алдаҥҥа, Аммаҕа уонна Нүүйэҕэ). Ити 14 муниципальнай оройуон 74 сирин-уотун ылар. 15 учаастакка 72,73 км муус эрбэниэхтээх этэ. 59 учаастакка 6,378 км2 муус хараардыллыахтаах.
Халаан кэмигэр 109 оперативнай бөлөх үлэлиир. Мууһу эрбээһиҥҥэ, хараардыыга 32 киһи, 16 техника үлэлиир.
Комментарии
Авторизация на сайте через социальные сети