«Чурапчытааҕы биир кэлимсэ диспетчерскэй сулууспаҕа Хадаарга «Сирэ-Холлоҕос» гидротехническэй тутуу баар сиригэр уу таһыма олус үрдээбитин туһунан иһитиннэрии киирбит», - диэтилэр управлениеҕа.
Диспетчер эппитинэн уу таһыма 8,5. Оттон тыҥааһыннаах кирбии 9 м.
«Уу таһымын намтатар туһугар гидротехническай тутуу 3 сифонун уонна 1 шлюһун арыйбыттар», - диэтилэр.
Гидротехническэй тутуу алдьаннаҕына, Таатта үрэх туолар куттала баар. Ону таһынан Чурапчы Толоон, Дириҥ, Одьулуун, Харбала-1, Харбала-2 нэһилиэктэрэ ууга былдьаныахтарын сөп. Таатта Чөркөөҕө, Боробула, Ытык-Күөлэ эмиэ.
Ууга барар кутталаах нэһилиэктэр олохтоохторугар иһитиннэриини тарҕаттылар.
Ыксаллаах быһыыга-майгыа уонна баһаар куттала суох буолуутун хааччыйар хамыыһыйа мунньаҕар бырабыыталыстыба бэрэссэдээтэлин солбуйааччы Анатолий Скрыбыкин кытынна.
Бэҕэһээ киэһэ вице-премьер Петр Алексеев салайааччылаах бөлөх уонна 10 быыһааччы Ми-8 вертолетунан гидротехническэй тутууну көрө-истэ тиийбит.
Чурапчы уонна Таатта улууһун олохтоохторо сыаналаах малы-салы дьиэ кырыыһатыгар, сүөһүнү үрдүк сиргэ таһаарарга, докумуону хомунарга, бу оройуоннарга айанныыртан туттунарга ЫБММ кылаабынай управлениета сүбэлиир.
Комментарии
Авторизация на сайте через социальные сети