Зырянкаҕа 12 тэлгэһэ уонна самолет түһэр балаһата ууга былдьанна

Халыма өрүс эбиллэн Зырянкаҕа уу таһыма үрдээтэ. Бэс ыйын 31 күнүгэр киэһэ 21:00 чааска уу таһыма 857см этэ. Манна 900 см. тыҥааһыннаах быһыыны-майгыны үөскэтэр. Зырянка аэропордун балаһата, ону таһынан 12 тэлгэһэ ууга былдьанна.

СИА-ҕа Россия ЫБММ Саха сиригэр үлэлиир салаатыттан иһитиннэрбиттэринэн, дьон уу кэлэрин туһунан эрдэттэн билэн олорбуттар, ол эрээри дьиэлэриттэн көһөртөн аккаастаммыттар. Сүөһүнү үрдүк сиргэ үүрэн таһаарбыттар. Зырянкаҕа дьону быстах кэмҥэ олохсутар икки пуун (Ленин аатынан уулусса 17-гэр баар оскуола дьиэтигэр уонна эмиэ бу уулусса 25-гэр баар доруобуйа киинигэр) аһыллыбыта. Пууннары иһэр уунан, эминэн-томунан сөптөөхтүк хааччыйбыттара. Уопсастыбаннай бэрээдэги уонна баһаартан сэрэхтээх буолууну хонтуруоллууллар.

Бөһүөлэк инфраструктуратыгар алдьаныы-кээһэнии суох. Аэропортка самолет көтүүтүн быстах кэмҥэ тохтоттулар. Вертолеттар нэдиэлэҕэ иккитэ Зырянка—Орто Халыма—Зырянка, ону таһынан Зырянка — Үрүҥ Хайа хайсхаларынан дьону таһаллар.

Манна 48 киһи, 14 тиэхиньикэ үлэлиир.

При частичном или полном использовании материалов гиперссылка на сайт ysia.ru обязательна.

Категория: Природа Просмотров: 3849 Источник: ЯСИА Автор: СИА

Версия для печати

Вернуться на главную

Подписаться на обновления