"Абый улууһугар таас чоҕу таһыы түмүктэннэ. Белогорскайдааҕы нефть базатыгар 1 964 тонна нефть тиэрдилиннэ. Итинтэн Аллайыаха улууһун наадыйыыта толуйуллар", - диэтилэр хааччыйыы госкэмитиэтигэр.

«Сахаэнерго» ААО Үрүҥ Хайаҕа 1 708 тонна дизель уматыга, ол иһигэр страховой саппааска киирсэр - 1500 тонна уматык. Абый улууһугар 72 тиэхиньикэ үлэлиир.

Аллайыаха улууһугар 2 190 тонна нефть тиийдэ. Муома хайысхатынан ниэби таһарга эбии тырааныспар үлэлиир. Аллайыахаҕа барыта 16 тиэхиньикэ үлэлиир.

Муомаҕа былааны таһынан таһаҕаһы тиэйии түмүктэннэ. 5 198 тонна уматык хочуолунайдарга диэри тиэрдилиннэ. 3 507 тонна ниэби тиийиэхтээх сиригэр аҕаллыллар. Хонууга кураанах емкость суоҕуттан, нефть уонна газ конденсата Белогорскай нефть базатыгар тиэртилэр.

Үөһээ Дьааҥыга Сайдыы, Нижнеянск бөһүөлэктэртэн Баатаҕайга диэри таас чоҕу тиэйэллэр. Муус устар 17 күнүнээҕи туругунан 42 391 тонна тиэрдиллибит. Былаан 111% туолбут. Былааны таһынан 3 949 тонна нефть бородууктатын аҕалбыттар.

Ириэрии саҕаламмытынан, муус устар 15 күнүттэн кыһыҥҥы суоллаах 20 учаастак сабылынна. Абый уонна Муома улуустара быысаһар Арга-Мой сиригэр. Нижнеянск – Уус-Куйга – Сайдыы учаастактарыгар 15 тоннаҕа диэри хаарчахтааһын киирдэ.