2011 сыллаахха кини Саха сирин ис дьыалаҕа миниистиринэн анаммыта. Кини иннинэ куотуунан муҥурдаммыты солбуйбут, ананан кэлбит Виктор Кошелевы олохтоохтор тута сөбүлээбиттэрэ.

Перьмҥа кини кандидатуратын кулун тутар ортотугар диэри дьүүллэспэттэр да этэ. Оттон муус устар 4 күнүгэр "Коммерсантъ" ааттаах-суоллаах сурунаалыгар «Генерал от Сахи. Краевой главк МВД может возглавить министр внутренних дел Якутии» диэн ыстатыйа бэчээттэнэн тахсыбыта.

Кошелевтар дьиэ кэргэн Саха сириттэн бара охсорго тиэтэйбэттэр. Кини кэргэнэ Лидия Кошелева үлэ уонна социальнай сайдыытын министиэристибэтигэр отдел салайааччытынан үлэлиир. Үлэттэн барар туһунан сайабылыанньаны суруйа илик. Баҕар, кэргэнигэр хойутуу тиийиэҕэ.

Саха сирин олохтоохторо урукку өттүгэр милиссийэлэр айдааннарын умна быһыытыйбыттара. Саҥа кэлэр миниистир Виктор Кошелевка кыратык эмэ майгынныыр буолуон баҕараллар.

Пермь кыраайыгар көһүүнү үрдээһининэн ааттыахха сөп. Аныгыскы сылга Кошелев санныгар уурунар погонугар сулус эбиллиэн сөп.