Муус үөһээҥҥи кирбиитэ Өлүөхүмэ оройуонун Саҥыйахтааҕар баар. Өрүс уутун таһыма 966 см (+14 см 4 чаас иһигэр) кутталлааҕа - 1250 см. Манна муус аҕыйах. Суукка иһигэр 52 км. сыҕарыйда. Уста турар муус уһуна 222 км.

Кэлиҥҥи түөрт сууккаҕа кэтээн көрүү түмүгэр быһаарыллыбытынан, муус устуутун орто түргэнэ сууккаҕа - 115 км, онон муус алын кирбиитэ Покроавскай уонна Табаҕа икки ардынааҕы учаастакка ыам ыйын 5 күнүгэр кэлиэ диэн сабаҕалааһын баар.

Хаҥалас Иһит сэлиэнньэтигэр уу таһыма 800 см. Манна ыксаллааҕа - 958 см, муус аҕыйах. Кытыл-Дьурааҕа уу таһыма - 1547 см. кутталлааҕа - 1626 см. Муус устубакка турар. Үөдэйгэ уу таһыма  – 1017 см. Кутталлааҕа - 2317 см, хамсаабакка турар. Покровскай таһыгар уу таһыма 565 см, ыксаллааҕа - 1370 см, муус хамсааһына бэлиэтэнэр.

Витимҥэ Иркутскай уобалас сиригэр-уотугар Бодайбо гидропостка (өрүс төрдүттэн 290 км) муус аҕыйах. Уу таһыма 37 см, манна ыксаллааҕа - 1170 см, Мама сэлиэнньэтин таһыгар - 442 см, муус элбэҕэ суох. Неляты сэлиэнньэтигэр уу таһыма - 376 см, муус суох, ыраас.

Читинскэй уобаласка Чара өрүскэ Чара гидропостка муус харбыт. (Саха сирин кыраныыссатыгар диэри - 390 км), уу таһыма 173 см, республика сиригэр-уотугар Токко сэлиэнньэтин таһыгар өрүскэ муус аҕыйах, уу таһыма 468 см, манна 870 см кутталлаах кирбии буолар.

Өлүөхүмэҕэ муус алын кирбиитэ Дьикимдэ таһыгар баар. Уу таһыма 391 см (сууккаҕа -313) ыксаллаах таһым - 1480 см, муус өрөһөлүү, үөһээҥни кирбиитэ Орто Өлүөхүмэ гидропост таһыгар баар. Харыы суох. Куду-Күөл таһыгар уу таһыма 589 см, ыксаллааҕа 1250 см.

Алдаҥҥа муус алын кирбиитэ Уус -Маайа Белькачи бөһүөлэгин таһыгар баар. Өрүс уутун таһыма 1779 см, муус устубакка турар, манна кутталлаах таһым 2330 см. Муус үөһээҥи кирбиитэ Угино гидопостан 40 км аллараа баар. Суукка иһигэр муус 254 км. уһунна. Уста турар муус уһуна 266 км.

Аммаҕа алын кирбиитэ Сулҕаччыттан 23 км аллараа баар. Мындаҕаайы таһыгар уу таһыма 800 см (4 чаас иһигэр +60 см), кутталлаах таһым 1350 см, Амма сэлиэнньэтигэр - 971 см, критическэйэ - 1000 см, муус устубат. Үөһээҥни кирбии Покровскайтан 5 км аллараа баар. Суукка иһигэр муус хамсаабата. Уста турар муус уһуна 158 км.

Амма сэлиэнньэтигэр үс тиэргэн сирэ-уота ууга былдьанна.

Бүлүүгэ муус алын кирбиитэ Ньурба Күндээдэтиттэн 3 км үөһээ баар. Ньурбаҕа өрүс уутан таһыма - 595 см, кутталлааҕа - 1250 см. Үөһээҥи кирбии Кириэстээх таһыгар бэлиэтэнэр. Манна уу таһыма 552 см, кутталлааҕа - 1100 см. Суукка иһигэр муус 61 км уһунна.

Саха сирин өрүстэрэ эстэн эрэллэр. Халымаҕа, Янаҕа, Индигиркэҕэ билиҥитэ муус уста илик.

Өрүскэ сааскы халаан содула суохтук ааһарын туһугар эрдэттэн сэрэтэр үлэни толорор РФ ЫБММ Уһук Илиннээҕи регионнааҕы киин суһаллык дьайар икки бөлөҕө, ону таһынан Саха сиринээҕи кылаабынай управлениетын алта бөлөҕө үлэлиир. Бу бөлөхтөргө РФ ЫБММ КУ үлэһиттэрэ, РФ ЫБММ уонна Саха сирин быһааччылара киирдилэр. Биэдэмистибэлэр икки ардыларынааҕы хамыыһыйа үлэлиир.