Аллайыаха, Өймөкөөн, Усуйаана улуустарыгар сорох эбийиэктэри хонтуруоллаабыттар. Ити түмүгэр өрүс сааскы уута хоромньута суох ааһарын туһугар бигэргэммит бэрээдэги 16-та кэспиттэрэ быһаарыллыбыт.

«Ууга былдьаныан сөптөөхтөр ахсааннарыгар киирбит эбийиэктэри улуус кэмитиэттэрэ, айылҕа харыстабылын инспекцията хонтуруолун далыттан таһаарбат. Бүгүҥҥү туругунан тутуулар ууга барбатылар», - диэтэ салайааччы солбуйааччыта  Константин Ушницкай.

Министиэристибэ федеральнай уорганнары кытта 7 гидротехническэй тутуулары бэрэбиэркэлээбит. Тутуулар туруктара үчүгэй, халааны этэҥҥэ аһарарга тустаах үлэ барар. Бэрээдэги кэһии баара бэлиэтэммэт.