Уу ылбыт дьиэлэрин олохтоохторо эрдэттэн аймахтарыгар барбыттар. Амма дьаһалтата ыал олбуордарын кэрийэ сылдьан көрбүттэр-истибиттэр, Аммаҕа уу таһыма үрдүгүн туһунан сэрэтиллибиттэр. Дьон быстах кэмҥэ олохсуйар пууннара тэриллибиттэр. Бу пууннар аһынан-үөлүнэн, иһэр ыраас уунан, эминэн-томунан хааччыллыбыттар. Халаан кэмигэр бэрээдэги кэһиинэ, баһаары утары үлэ барбыт. Дьон-сэргэ аймахтарынан көһөрүллүбүт, сүөһүлэр үрдүк сиргэ таһаарыллыбыттар.

Билигин манна 113 киһи, 41 тиэхиньикэ, ол иһигэр 10 устар тэрил үлэлиир. Ол иһигэр ЫБММ 29 киһи, 7 тиэхиньикэ, 2 устар тэрил баар.

Дьокуускай, Хаҥалас, Мэҥэ-Хаҥалас, Уус-Алдан, Нам, Амма, Чурапчы, Таатта, Уус-Маайа уонна Томпо оройуоннарын олохтоохторо халаан уутугар бэлэм буолалларыгар ЫБММ кылаабынай управлениета ыҥырар. Сыаналаах малы-салы дьиэ кырыыһаларыгар, сүөһүнү-аһы уу ылбат үөһэ сирдэргэ эрдэттэн таһаарарга, докумуоннары, наадалаах малы-салы хомунаргытыгар, олохтоох былаас иһитиннэриилэрин кэтииргитигэр этэллэр.

Халаан кэмигэр бултуучуттар уонна балыксыттар арыыларга, араас сиргэ-уокка барартан туттуналларыгар кылаабынай управление ыҥырар.