Саҥа дьиэлээхтэри улуус баһылыга Никита Андреев, Бэрдьигэстээх нэһилиэгин баһылыга Марк Парфенов, «Венсплюс» ХЭУо тутар компаниятын директораВасилий Народов, ОДьКХ ГУТ Горнай улууһунааҕы филиалын директора Владимир Васильевэҕэрдэлээтилэр.

- Дьону хаарбах дьиэлэртэн көһөрүүгэ туһуламмыт федеральнай программа биһиги улууспутугар балачча тэтимнээхтик үлэлиир. Бу программанан өссө биир элбэх квартиралаах дьиэ сотору үлэҕэ киллэриллиэҕэ.Олунньу ыйтан 16 квартиралаах дьиэ тутуута саҕаланыахтаах,-- диир улуус дьаһалтатынүлэһитэАйталина Санникова. Кини этэринэн, хаарбах туруктаах дьиэлэртэн 397 киһи толору хааччыллыылаах дьиэлэргэкөһүөхтээх.

Саҥа квартираҕа киирбит үөрүүтүн “Үлэ күүһэ” хаһыат үлэһитэ Светлана Винокурова үллэһиннэ:

-- Биһиги бу иннинэ эргэ, хаарбах туруктаах дьиэҕэ олорбуппут. Саҥа, буолан баран толору хааччыллыылаах квартираланыы ыра санаабыт ымыыта этэ. Биллэн турар, наһаа долгуйдубут, үөрдүбүт. Маннык дьиэҕэ олорор үчүгэйэ сүрдээх быһыылаах. Саҥа киирбит дьон дьэ билиэхпит турдаҕа. Бары үөрүүнэн “бу биһиги дьиэбит” диэн киэн тутта этэр кыахтаммыппыт олус үчүгэй, -- диир.

Үөрүүлээх күн дьиэ-дьиэ аайы оҕо-уруу саҥата чугдааран олордо.