Ансамбль салайааччыта Саргылана Пономарева эппитинэн, тэрийээччилэр ыҥырыыларынан артыыстар бу улахан тэрээһиҥҥэ кыттыбыттар.

«Былырыын дьахталлар ансамбыллара тэрээһиҥҥэ кыттыбыта, инньэ гынан быйыл эмиэ ыҥырыы туппуппут уонна иккис степеннээх лауреат үрдүк аатын ситистибит», - диэтэ кини.

Фестиваль ыам ыйын 3-10 күннэригэр  Барселона – Коста Брава (Испания) – Канны (Франция) – Ницца (Франция) – Монте-Карло (Монако) – Сан-Ремо (Италия) хайысхаларынан ыытыллыбыт.

"Элбэх интэриэһинэй сиргэ сырыттыбыт. Фестиваль тэрээһинин сөхтүбүт. Талааннаах дьон элбэх дойдуттан манна хото муһунна. Ордук Казахстантан кэлбиттэри биһирээтибит», - диэтэ «Дуорай» ансамбль салайааччыта.

Соло категориятыгар биһиги биир дойдулаахпыт Андрей Слепцов кыттыбыт уонна дипломант ааты ылбыт.