Саха сириттэн бу үрдүк таһымнаах куонкуруска тиийбит Кирилл Матвеев  «Я люблю тебя до слез» (Александр Серов репертуарыттан) уонна «Эйиэхэ» (Степан Васильев музыката) диэн ырыалары ыллаата.

Кирилл Матвеевы эһиил от ыйын 12-19 күннэригэр Италияҕа ыытыллар «Виват, Италия – Россия!» норуоттар икки ардыларынааҕы куонкуруска ыҥырдылар. Кирилл салайааччыта Көбөкөөн орто оскуолатын музыкаҕа учуутала Агафья Петрова бочуоттаах ыалдьыт буолан Италияҕа барсыаҕа.

Кирилл 3 сааһыттан ыла ыллыыр, үчүгэй үөрэнээччи, бастыҥ волейболист.

Кини 2013 сыллаахха «Ыллаа-туой, уол ођо!» өрөспүүбүлүкэтээҕи куонкуруска Гран-при хаһаайына буолбута.