«Спортивнай оонньуу таһыма үрдүк кирбиигэ диэри өрө таһаарылынна. Тэрийэр кэмитиэт күүрүүлээхтик уонна көдьүүстээхтик үлэлээтэ. Спортсменнар саҥа рекордтары олохтоотулар. Онон, аныгыскы оонньууларга бэлэмнэнии уустук буолуо дии саныыбын», - диэтэ  Егор Борисов.

Ону таһынан Саха сирин норуоттарын спортивнай оонньууларыгар икки тыһыынчаттан тахса спортсмен кыттыбытын кини эттэ.

Спортивнай оонньуулар Нам улууһугар от ыйын 9-13 күннэригэр буолан аастылар. Спортсменнар спорт 14 көрүҥэр бастыыр, бириистээх миэстэ иһин күрэхтэстилэр. Оонньууларга анаан Намҥа манежтаах стадион, спортивнай-культурнай комплекс тутуллубута, суол-иис өрөмүөннэммитэ, уулууссалар тупсарыллыбыттара.