ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Похожие новости

15 мая 2014, 11:25

Намҥа барыллаан куоластааһыҥҥа Егор Борисовы быыбардааччы 99,4 % өйөөтө


Республика быһылыгын дуоһунаһыгар кандидаты быһаарар «Биир ньыгыл Россия» партия иһинээҕи куоластааһына Намҥа буолла.

«Биир ньыгыл Россия» праймериһын бастакы площадкатыгар кандидаттар санааларын, тылларын истэ, ыйытык биэрэ партияны өйүүр дьон уонна олохтоохтор, уопсайа 200 киһи муһунна. Бу дуоһунаска хас биирдии быыбардааччы үс кандидаты талар бырааптаах.

Партия иһинээҕи куоластааһын түмүгэ маннык буолла: республика быһылыгын э.т.  Егор Борисов - 191 куолаһы, ол эбэтэр 99,4% ылла. «ДьУоКХ» ГУП генеральнай дириэктэрэ  Александр Ноговицын - 52, М.К.Аммосов аатынан ХИФУ студеннар сайдыыларын управлениетын начальнига  Александр Ильин - 48 Өлүөнэ өрүс холбоһуктаах пароходствотын генеральнай дириэктэрэ  Сергей Ларионов — 21, дьоҕус бизнес сайдыытын фондатын генеральнай дириэктэрэ  Татьяна Коломыцина – 20.

Партия иһинээҕи куоластааһын балаһыанньатынан саамай элбэх куолаһы ылбыт үс киһи партия конференциятын дьүүллэһиитигэр киириэхтэрэ. Ити тэрээһин бэс ыйын 14 күнүгэр буолар.

«Утарсааччылаах политическай күрэстэһии сөптөөх кандидаты талары хааччыйыаҕа», - диир партия регионнааҕы исполкомун салайааччыта Сахамин Афанасьев. Итини таһынан С.Афанасьев «Биир ньыгыл Россия» маннык барыллаан куоластааһыны ыытар соҕотох партия буоларын бэлиэтээтэ.

«Регион баһылыктарын талары сүрүннүүр сокуон ылыллыбытыгар, бу үрдүкү дуоһунаска турар кандидаттар эрдэттэн куоластааһыны ааһалларыгар ким да саарбахтаабат этэ. Партия иһинээҕи быыбар кэмигэр кандидаттар дуоһунаска төһө сөп түбэһэллэрин сыаналыырга олохтоохторго улахан кыах үөскүүр», - диир кини.



 

 

При частичном или полном использовании материалов гиперссылка на сайт ysia.ru обязательна.
Категория: Политика Просмотров: 3762 Источник: ЯСИА Автор: Виктория Баишева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ