Холобур, ити сорудахтар истэригэр Кыстатыамҥа арочнай спорт саалатын тутуу баар. Бу тутууну «Сахам сирэ XXI үйэҕэ» бырагыраамаҕа киллэрэр туһунан эттилэр.

Эдьигээн оройуонун уопсастыбаннай сэбиэтин чилиэннэрин этиилэрин  Егор Борисов ордук интэриэһиргээтэ. Бу уопсастыбаннай тэрилтэ олохтоохтор ортолоругар субуотунньуктары, араас рейдэлэри ыыталлар, саамай сүрүнэ - быйыл үһүс сылларын арыгыһыттары реабилитациялыыр киини тэрийиигэ үлэлииллэр.

Оскуолалары, культурнай-спортивнай комплекстары, водозабору, саҥа хочуолунайдары тутуу, о.д.а. туһунан Эдьигээн актыбыыстара эттилэр.

Дьоҕус бизнеһи кредиттээһин кээмэйин улаатыннарыы, чааһынайдар дьиэлэригэр саҥа хочуолунайдары тутуу, вездеход тиэхиньикэтинэн хааччыйыы боппуруостарын сытыытык туруордулар.

Егор Борисов мунньах бүтүүтэ маннык диэтэ: «Туох да үлэ барбат сиригэр дьон тугу да туруорсубат».

Бырабыыталыстаба чилиэннэригэр туһаайан: "Олорор дьиэни тутууга, араас эбийиэктэри кииннэмит ититиинэн хааччыйыыга бэйэҕит этиилэргитин бэлэмнээҥ. Маннык саҕалааһыннары булгуччу өйүөхтээхпит», - диэтэ.

Эдьигээн улууһун баылыга Алексей Мандаров, нэһилиэктэр баһылыктара, оройуон актыыба, Егор Борисовы кытта кэлбит Государственнай Мунньах (Ил Түмэн) бэрэссэдээтэлэ Александр Жирков, республика вице-премьерэ Петр Алексеев, «СР ДьКХ» ГУП генеральнай дириэктэрэ Александр Ноговицын, министиэристибэлэр уонна биэдэмистибэлэр салайааччылара мунньахха сырыттылар.