«Республикаҕа биллэриллибит Арктика сылыгар анаабытым. Мин Абыйга төрөөбүтүм, онон «Полярниктар ассоциацияларыгар» киирэрбин эбэн этиэх этим», - диир Надина Эльпис. 

Саҥа композицияны устууга аранжировщик Моисей Кобяков уонна хомуска оонньуур  Арияна Капитонова кытыннылар. 

«Көннөрү музыкальнай треги эрэ устар буолбакка, Арктика оҕолорун видеоклибын киллэрэн биэрэр санаалаах үлэлээтибит. Режиссер Валентина Степанова. Видеоклибы устуу бу соторутааҥҥыта саҥа түмүктэммитэ. «Арктика ыччатын сырдыкка, үрдүккэ тардар санаанан салайтарабыт», - диир ырыаһыт Надина Эльпис.  

«Арктика forever» композиция «Виктория» радиостанцияҕа уонна «Саха» НКИК тахсыаҕа. Клип премьерата ыам ыйын 21 күнүгэр.