Конгресска барыта 500 киһи сырытта. Саха сириттэн тиийбит делегация састаабыгар ХИФУ хоту сири үөрэтэр кафедратын, доруобуйа уонна гуманитарнай чинчийии институттарын үлэһиттэрэ киирдилэр.

Пленарнай мунньах кэнниттэн конгресс кытыылаахтара бөлөхтөргө хайдыһан үлэлээтилэр. Үлэ биир хайысхата төрүт олохтоох дьону Арктикаҕа туризмҥа ыҥырыыга туһаайылынна. Саха сирин ураты харыстанар сирдэрин управлениетын үлэһитэ Лариса Шелоховская дакылааттаата.

Хоту сир олохтоохторун туризм эйгэтигэр сыһыарыы Саха сиригэр эрэ буолбакка, атын дойдуларга эмиэ олус сытыытык турарын кини бэлиэтээтэ. Норвегияҕа, Швецияҕа, Гренландияҕа эмиэ. Лариса Шелоховская этэринэн, атын дойду дьоно Саха сиригэр интэриэстэрэ улааппыт, инникитин табыгастаах инфраструктураны сайыннарыыга болҕомтолорун уураллар эбит. Научнай туризм биир ураты миэстэни ылар.

«Саха сирин ураты харыстанар сирдэригэр туризмы сайыннарыы туһунан толкуйдуубут, экологическй туризм сайдыытын концепциятын оҥордубут. Баҕар, ити үлэбит государственнай бырагыраамаҕа киириэҕэ. Билиҥҥитэ ити чинчийэр соруктаах. Кэлин холбуу бырайыакка кубулуйуон сөп», - диир кини.