«Бүгүҥҥү тэрээһин аармыйаҕа сулууспалыы барар эдэр дьоҥҥо ананар. Бу муус устар 1 күнүттэн ыла от ыйын 15-гэр диэри ыытыллар. Манна Аҕа дойду Улуу сэриитин бэтэрээннэрэ, саллаттар ийэлэрин кэмитиэтэ, о.д.а куруук кытталлар», - диэтэ байыаннай комиссар  Николай Тряпша.

Отдел начальнига Юрий Коваленко эппитинэн,  85 эдэр дьон аҕыйах хонугунан Хабаровскай уонна Благовещенскай куораттарга айанныахтара.

«Аармыйаҕа үгүстэр баҕа өттүлэринэн бараллара элбээтэ», - диэтэ миниистир Афанасий Владимиров. Оскуолаларга 194 байыаннай-патриотическай кулууптар үлэлииллэрин туһунан эттэ. «РФ үөрэххэ министиэристибэтин кытта эр киһини иитиигэ, аармыйаҕа сулууспалааһыҥҥа анаммыт араас тэрээһини ыытабыт», - диэтэ кини.

Ис дьыала министиэристибэтин ОМОН этэрээтиттэн сэрии сэбин-сэбиргэлин холобурун көрдөрдүлэр. Хамандыыры солбуйааччы  Андрей Куницын полиция подразделениетын үлэтин туһунан кэпсээтэ. «Аармыйа кэккэтигэр сулууспалаабыттары үлэҕэ ыларга бэлэммит», - диэтэ кини.