Оонньуу кэмигэр 50 автобуска анаммыт тохтобулу оҥоруохтара. Интернет-тиһиктээх, телефоннаах диспетчерскэй сулууспа автопаарка үлэтин хааччыйыаҕа. Ону таһынан коммерческай тохтобуллары бэлэмнииргэ предпринимателлэри кыттыһыннарар санаалаахтар. Маршрутунан сылдьар автобус рейскэ тахсыан иннинэ күн аайы медицинскэй көрүүнү ааһыаҕа.

Чааһынай массыыналарга 9 тохтобул миэстэтэ быһаарыллыаҕа. Тырааныспар хаарыыта суох айанын хааччыйар эргиир суол сирин быһаараллар.

Саха сирин норуоттарын VI-с спортивнай оонньулара от ыйын 9-с күнүттэн 13-гэр диэри Нам улууһугар ыытыллар. Спорт 14 көрүҥэр республика бары улуустарыттан 2250 спортсмен кыттар.